పురుగుల మందు తాగి యువకుడు మృతి

నందిపేట్‌, అక్టోబర్‌ 2

నిజామాబాద్‌ న్యూస్‌ డాట్‌ ఇన్‌ :

నందిపేట్‌ గ్రామంలో రాజ్‌ నగర్‌ దుబ్భకు చెందిన ఎర్రం నవీన్‌ విదేశాలకు వెళ్లేందుకు వీసా రాక ఆర్థిక ఇబ్బందుల వల్ల పురుగుల మందు తాగి ఆత్మహత్య యత్నానికి పాల్పడ్డాడు. జిల్లా ఆసుపత్రిలో మంగళవారం రాత్రి చికిత్సపొందుతూ మృతి చెందాడని ఏ ఎస్‌ ఐ. వెంకటేశ్వర్లు తెలిపారు.

మృతుడు దుబాయ్‌ వెళ్లేందుకు అప్పుచేసి గల్ఫ్‌ ఏజంట్‌ దగ్గర వీసా కోసం డబ్బులు కట్టాడని మృతుడి భార్య మౌనిక ఫిర్యాదులో పేర్కొంది. మంగళవారం గ్రామ సమీపంలో ఉన్న ఫ్యాక్టరీ వద్ద పురుగుల మందు తాగాడు. పడిపోయి ఉన్న మృతుడి చూసి పోలీసులకు సమాచారం అందించారు. వెంటనే అంబులెన్స్‌లో జిల్లా ఆసుపత్రికి తరలించారు. చికిత్స పొందుతూ మంగళవారం మృతి చెందాడని పోలీసులు తెలిపారు. ఈ మేరకు కేసు నమోదు చేసుకున్నట్లు పోలీసులు తెలిపారు.