వైద్యాధికారులు సమయపాలన పాటించాలి

కామారెడ్డి, అక్టోబర్‌ 5

నిజామాబాద్‌ న్యూస్‌ డాట్‌ ఇన్‌ :

వైద్యాధికారులు సమయపాలన పాటించాలని జిల్లా కలెక్టర్‌ ఆశిష్‌ సాంగ్వాన్‌ అన్నారు. శనివారం రోజున ప్రభుత్వ జనరల్‌ ఆసుపత్రిని కలెక్టర్‌ ఆకస్మికంగా తనిఖీ చేశారు. ఆసుపత్రిలో డాక్టర్ల హాజరు రిజిస్టర్‌ లను కలెక్టర్‌ పరిశీలించారు.

ఉదయం గం. 9-45 నిమిషాల వరకు కూడా పలువురు వైద్యులు ఆసుపత్రి విధులకు హాజరు కాకపోవడాన్ని కలెక్టర్‌ పరిశీలించారు. కలెక్టర్‌ వెంట అదనపు కలెక్టర్‌ శ్రీనివాస్‌ రెడ్డి, ఆర్డీఓ రంగనాథ్‌ రావు, తహసీల్దార్‌ జనార్ధన్‌ ఉన్నారు.