మాణిక్‌బండార్‌ వద్ద రోడ్డు ప్రమాదం

నిజామాబాద్‌, అక్టోబర్‌ 15

నిజామాబాద్‌ న్యూస్‌ డాట్‌ ఇన్‌ :

మేస్త్రీ కార్మికుడు రోడ్డు ప్రమాదంలో అక్కడికక్కడే మృతి చెందిన ఘటన మాక్లూర్‌ మండలంలోని మాణిక్‌ బండారు వద్ద చోటు చేసుకున్నది. పోలీసుల కథనం ప్రకారం
నిజామాబాద్‌ గౌతమ్‌ నగర్‌కు చెందిన జంగంపల్లి బాబురావు (39), ఆర్మూర్‌లో మేస్త్రి పని ముగించుకుని మోటార్‌ సైకిల్‌పై వస్తూ ఉండగా మార్గ మధ్యలో మాణిక్‌ బండారు వద్ద ఆగి ఉన్న లారీని ఢీకొట్టడంతో అక్కడికక్కడే మృతి చెందాడని తెలిపారు.

భార్య జంగంపల్లి లత ఇచ్చిన ఫిర్యాదు మేరకు కేసు నమోదు చేసినట్టు ఏఎస్‌ఐ గంగాధర్‌ తెలిపారు.