ఎయిడ్స్‌పై అవగాహన పెంచుకోవాలి..

కామారెడ్డి, నవంబర్‌ 2

నిజామాబాద్‌ న్యూస్‌ డాట్‌ ఇన్‌ :

జిల్లా వైద్య మరియు ఆరోగ్య శాఖలోని, జిల్లా ఎయిడ్స్‌ నివారణ మరియు నియంత్రణ సంస్థ ఆధ్వర్యంలో యూత్‌ ఫెస్ట్‌లో భాగంగా పాఠశాల, కళాశాల విద్యార్థులకు హెచ్‌ఐవి, టిబి, రక్తదానం పైన జిల్లా స్థాయి రెడ్‌ రన్‌, క్విజ్‌ పోటీలు డ్రామా మరియు రీల్స్‌ పోటీలు నిర్వహించారు. ఇందులో భాగంగా ప్రతివిభాగం నుండి మొదటి ప్రైజ్‌ (1000 రూపాయలు), ద్వితీయ స్థానం (750 రూపాయలు) అలాగే తృతీయ స్థానం (500 రూపాయలు) శనివారం అదనపు జిల్లా కలెక్టర్‌ శ్రీనివాస్‌ రెడ్డి చేతుల మీద విద్యార్థులకు అందజేశారు.

కార్యక్రమంలో జిల్లా ఎయిడ్స్‌ ప్రోగ్రాం అధికారి డాక్టర్‌ రాధిక, డిపిఎం సుధాకర్‌, డిఏఏ మహేష్‌ అలాగే సౌత్‌ క్యాంపస్‌ ప్రొఫెసర్‌ అంజయ్య, విద్యార్థులు, ప్రభుత్వ డిగ్రీ కళాశాల విద్యార్థులు, ఎస్‌ఆర్‌కె డిగ్రీ కళాశాల మరియు ప్రభుత్వ ఉన్నత పాఠశాల విద్యార్థులు టీచర్లు, లెక్చరర్స్‌ పాల్గొన్నారు.