రోడ్డు ప్రమాదంలో యువకుడు మృతి

మాక్లూర్‌, నవంబర్‌ 10

నిజామాబాద్‌ న్యూస్‌ డాట్‌ ఇన్‌ :

మాక్లూర్‌ మండలంలోని చిక్లి గ్రామ శివారు ప్రాంతంలో శనివారం రాత్రి జరిగిన రోడ్డు ప్రమాదంలో యువకుడు మృతి చెందాడు. ఆదివారం ఉదయం రోడ్డు పక్కనే మృతుడు పడి ఉండడం గ్రామస్తులు గమనించి పోలీసులకు సమాచారం అందించారు. ఘటన స్థలానికి చేరుకున్న స్థానిక ఎస్సై రాజశేఖర్‌ ఘటన స్థలాన్ని పరిశీలించి ధర్మోరా గ్రామవాసి బంట్టు శ్రీకాంత్‌ వయస్సు 26 గా గుర్తించారు.

స్థానిక పోలీసులు కుటుంబ సభ్యులకు సమాచారం అందించగా ఘటన స్థలం చేరుకొని తల్లిదండ్రులు నరసయ్య కన్నీరు అయ్యారు. ఇటీవల మృతుడికి ఏడాది కిందట బైంసా తానూర్‌ నుంచి వివాహం జరిగింది. ప్రవేట్‌ పాఠశాలలో క్లీనర్‌ గా విధులు నిర్వహించి మోటార్‌ సైకిల్‌పై తిరుగు ప్రయాణంలో తన గ్రామమైన ధర్మోరా వెళ్లే సమయంలో ఈ ఘటన జరిగినట్టు పోలీసులు ప్రాథమిక అంచనా వేస్తున్నారు.

ఎవరైనా ఢీకొట్టారా, తనకు తానే కింద పడడంతో ఈ ప్రమాదం జరిగిందా అని తెలియరాలేదు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు స్థానిక ఎస్సై రాజశేఖర్‌ తెలిపారు.