నేడు కంటి వైద్యశిబిరం

నిజామాబాద్‌, నవంబర్‌ 19

నిజామాబాద్‌ న్యూస్‌ డాట్‌ ఇన్‌ :

నిజామాబాద్‌ బార్‌ అసోసియేషన్‌ ఆధ్వర్యంలో మంగళవారం కంటి వైద్యశిబిరం నిర్వహిస్తున్నట్లు అధ్యక్షుడు మల్లెపూల జగన్మోహన్‌ గౌడ్‌ తెలిపారు. అగర్వాల్‌ కంటి ఆసుపత్రికి కి చెందిన ప్రముఖ కంటి వైద్యులు ఉచితంగా కంటి పరీక్షలు నిర్వహిస్తారని అన్నారు.

కోర్టు సిబ్బందికి, న్యాయవాదులు, కక్షిదారులకు ప్రయోజనాలకోసమే నిజామాబాద్‌ బార్‌ అసోసియేషన్‌ కృషి చేస్తున్నదని, ఆ దిశగా ఉచిత కంటి వైద్యశిబిరం ఒక భాగంగా ఎన్నుకున్నట్లు జగన్‌ తెలిపారు. జిల్లాకోర్టులోని రెండవ ప్లోర్‌లో వైద్యశిబిరం ఉంటుందని వివరించారు.