విధులు బహిష్కరించిన న్యాయవాదులు

బాన్సువాడ, నవంబర్‌ 27

నిజామాబాద్‌ న్యూస్‌ డాట్‌ ఇన్‌ :

నిజామాబాద్‌ జిల్లా కేంద్రంలోని సీనియర్‌ న్యాయవాది ఖాసింపై జరిగిన భౌతిక దాడిని బాన్సువాడ బార్‌ అసోసియేషన్‌ అధ్యక్షులు లక్ష్మీనారాయణ మూర్తి ఖండిరచారు. ఈ సందర్భంగా న్యాయవాదులు కోర్టు విధులను బహిష్కరించి నిరసన వ్యక్తం చేశారు.

ఈ సందర్భంగా బార్‌ అసోసియేషన్‌ అధ్యక్షుడు లక్ష్మీనారాయణ మూర్తి మాట్లాడుతూ న్యాయవాదిపై దాడికి దిగిన వారిపై చట్టపరమైన చర్యలు తీసుకోవాలని, ప్రజలకు న్యాయ సహాయం అందిస్తున్న న్యాయవాదులపై దాడులు జరపడం సమంజసం కాదని, న్యాయవాదులపై దాడులు జరగకుండా కఠిన చట్టాలు తీసుకురావాలని ప్రభుత్వాన్ని డిమాండ్‌ చేశారు.

కార్యక్రమంలో న్యాయవాదులు రమాకాంత్‌, లక్ష్మారెడ్డి, మోహన్‌ రెడ్డి, రామ్‌ రెడ్డి, ఖలీల్‌, మొగులయ్య, హమీద్‌,అయ్యాల ఆనంద్‌, న్యాయవాదులు తదితరులు పాల్గొన్నారు.