Telangana Live Telangana Live News and Views 24X7
కామారెడ్డి, నవంబర్‌ 27
నిజామాబాద్‌ న్యూస్‌ డాట్‌ ఇన్‌ :
ఎన్నికలలో వినియోగించే ఎలక్ట్రానిక్‌ ఓటింగ్‌ యంత్రాలు (ఈ.వి.ఎం.) ట్యాంపరింగ్‌ చేయబడవని సుప్రీం కోర్టు వ్యాఖ్యానించిందని జిల్లా ఎన్నికల అధికారి, కలెక్టర్‌ ఆశిష్‌ సాంగ్వాన్‌ ఒక ప్రకటనలో తెలిపారు.
భారత ఎన్నికలలో పేపర్‌ బ్యాలెట్‌ విధానాన్ని మళ్లీ ప్రవేశపెట్టాలని కోరుతూ దాఖలైన ప్రజాహిత వ్యాజ్యాన్ని దేశ అత్యున్నత న్యాయస్థానం సుప్రీంకోర్టు కొట్టి వేసిందని, ఈ.వి.ఎం. ట్యాంపరింగ్‌ పై పిటిషనర్‌ చేసిన వాదనలను జస్టిస్‌ విక్రమ్‌ నాథ్‌, జస్టిస్‌ పి.బి.వరాలే లతో కూడిన ధర్మాసనం తిరస్కరించిందని తెలిపారు. ఎన్నికలలో ఓడిపోయినప్పుడు మాత్రమే ఈ.వి.ఎం.ల విశ్వసనీయతను ప్రశ్నించే నాయకుల అస్థిరతను ఎత్తి చూపిందని తెలిపారు.
