డిగ్రీ పరీక్షల్లో ఆరుగురు మాల్‌ప్రాక్టీస్‌

డిచ్‌పల్లి, నవంబర్‌ 30

నిజామాబాద్‌ న్యూస్‌ డాట్‌ ఇన్‌ :
తెలంగాణ విశ్వవిద్యాలయ పరిధిలోని డిగ్రీ రెగ్యులర్‌, బ్యాక్‌లాగ్‌ సెమిస్టర్‌ పరీక్షలు ఐదవ రోజు జరిగాయి. తెలంగాణ విశ్వవిద్యాలయ అనుబంధ కళాశాలల పరిధిలోని (సిబిసిఎస్‌) బి. ఎ ./ బీ.కాం./ బీ. ఎస్సీ./ బి బి ఏ./ బీసీఏ కోర్సులకు ఒకటవ, మూడవ, ఐదవ సెమిస్టర్‌ రెగ్యులర్‌కు, రెండవ, నాల్గవ, ఆరవ సెమిస్టర్‌ బ్యాక్‌లాగ్‌ పరీక్షలు ఐదవ రోజు జరిగినట్టు ఆడిట్‌ సెల్‌ డైరెక్టర్‌ ఆచార్య ఘంటా చంద్రశేఖర్‌ తెలిపారు.

ఉదయం జరిగిన పరిక్ష కేంద్రాలలో 8184 మంది విద్యార్థులకు 7631 మంది విద్యార్థులు హాజరయ్యారు. 549 మంది విద్యార్థులు గైరాజరయ్యారన్నారు.

మధ్యాహ్నం జరిగిన పరీక్షకు 6561 మంది విద్యార్థులకు గాను 5999 హాజరయ్యారని 560 మంది విద్యార్థులు గైరాజరయ్యారని పేర్కొన్నారు.

కాగా మాల్‌ ప్రాక్టీస్‌కు పాల్పడుతున్న అరుగురు (6) విద్యార్థులను గుర్తించామని ఆడిట్‌ సెల్‌ డైరెక్టర్‌ ఆచార్య ఘంటా చంద్రశేఖర్‌ అన్నారు.