టీఎస్‌ఎస్‌ డబ్ల్యూజేఏ రాష్ట్ర అధ్యక్షులుగా కాదేపురం గంగన్న

బాన్సువాడ, డిసెంబరు 29

నిజామాబాద్‌ న్యూస్‌ డాట్‌ ఇన్‌ :

బీర్కూర్‌ మండలంలోని బరంగ్‌ ఏడ్గి గ్రామానికి చెందిన కాదేపురం గంగన్న తెలంగాణ ఎస్సీ, ఎస్టీ వర్కింగ్‌ జర్నలిస్ట్‌ అసోసియేషన్‌ రాష్ట్ర అధ్యక్షులుగా ఆదివారం ఏకగ్రీవంగా ఎన్నికయ్యారు. బీర్కూర్‌ మండలంలో ఆంధ్రప్రభ, సూర్య, ప్రజాశక్తి, నమస్తే తెలంగాణ పత్రికలలో మండల స్థాయి విలేకరిగా పనిచేశారు. ప్రస్తుతం ఉదయం దిన పత్రికలో ఉమ్మడి నిజామాబాద్‌ జిల్లా ప్రతినిధిగా పనిచేస్తున్నారు.

ఇదిలా ఉండగా 2019 లో ఏర్పాటైన తెలంగాణ ఎస్సీ, ఎస్టీ వర్కింగ్‌ జర్నలిస్ట్‌ అసోసియేషన్‌ లో ఫౌండర్‌ సభ్యులుగా ఉన్న కాదేపురం గంగన్న ఐడేండ్ల పాటు రాష్ట్ర కమిటీలో ఉపాధ్యక్షులుగా కొనసాగారు. అయన పనితనాన్ని గుర్తించిన రాష్ట్ర సంఘం అయనను రాష్ట్ర అధ్యక్షునిగా హైదరాబాద్‌ లోని హోటల్‌ పద్మినిలో ఆదివారం ఏకగ్రీవంగా ఎన్నుకున్నారు. అనంతరం అయన మాట్లాడుతూ రాష్ట్రంలో ఎస్సీ, ఎస్టీ వర్కింగ్‌ జర్నలిస్ట్‌ అసోసియేషన్‌ను బలోపేతానికి కృషి చేస్తూ జర్నలిస్ట్‌ల సమస్యల పరిష్కారం కోసం పనిచేస్తానన్నారు.