జ్యోతిబా పూలే గురుకుల పాఠశాల ఆకస్మిక తనిఖీ

బీర్కూర్‌, జనవరి 3

నిజామాబాద్‌ న్యూస్‌ డాట్‌ ఇన్‌ :

బీర్కూర్‌ మండల కేంద్రంలోని జ్యోతిబాపూలే గురుకుల పాఠశాలను శుక్రవారం సబ్‌ కలెక్టర్‌ కిరణ్మయి ఆకస్మిక తనిఖీ చేశారు. ఈ సందర్భంగా సబ్‌ కలెక్టర్‌ విద్యార్థులకు అందుతున్న భోజన వివరాలను ఆమె విద్యార్థులను అడిగి తెలుసుకున్నారు.

ఈ సందర్భంగా వంట సామాగ్రి, బియ్యం ,పప్పులను ఆమె క్షుణ్ణంగా పరిశీలించారు. ఈ సందర్భంగా ఆమె మాట్లాడుతూ విద్యార్థులకు అందించే భోజనం పట్ల అశ్రద్ధ వహించరాదని, నిర్లక్ష్యం వహిస్తే చట్టపరమైన చర్యలు తీసుకుంటామన్నారు. కార్యక్రమంలో తహాసిల్దార్‌ పాఠశాల ప్రిన్సిపల్‌, తదితరులు పాల్గొన్నారు.