Telangana Live Telangana Live News and Views 24X7
డిచ్‌పల్లి, మార్చ్‌ 30
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని సారంగపూర్‌ క్యాంపస్‌లో గల కాలేజ్‌ ఆఫ్‌ ఎడ్యూకేషన్‌కు అకడమిక్‌ కో – ఆర్డినేటర్‌ గా అసిస్టెంట్‌ ప్రొఫెసర్‌ (కాంట్రాక్ట్‌) ఎ. సువర్చల నియామకం పొందారు. కాగా ఉపకులపతి ఆచార్య డి. రవీందర్‌ చేతుల మీదుగా ఆయన చాంబర్‌లో బుధవారం నియామక పత్రాలను అందుకున్నారు.
వీసీ ఆదేశానుసారం రిజిస్ట్రార్‌ ఆచార్య కె. శివశంకర్‌ ఉత్తర్వులు జారీ చేశారు. ఈ సందర్భంగా సువర్చల మాట్లాడుతూ… సారంగపూర్‌ బి. ఎడ్‌. కాలేజ్‌ను అకడమిక్‌ గా బలోపేతం చేయడానికి శాయశక్తులా ప్రయత్నం చేస్తానని అన్నారు. తనకు బాధ్యతలు అందజేసిన వీసీ, రిజిస్ట్రార్‌లకు కృతజ్ఞతలు తెలిపారు. సువర్చల అకడమిక్‌ కో – ఆర్డినేటర్‌గా నియమింపబడడం పట్ల పలువురు అధ్యాపకులు, పరిశోధకులు, విద్యార్థులు అభినందనలు తెలిపారు.
