Telangana Live Telangana Live News and Views 24X7
కామారెడ్డి, ఏప్రిల్‌ 5
నిజామాబాద్‌ న్యూస్‌ డాట్‌ ఇన్‌ : డాక్టర్‌ బాబు జగ్జీవన్‌ రామ్‌ ను స్ఫూర్తిగా తీసుకోవాలని జిల్లా కలెక్టర్‌ జితేష్‌ వి పాటిల్‌ అన్నారు. కామారెడ్డి మున్సిపాలిటీ ఆవరణలో మంగళవారం జిల్లా షెడ్యూల్‌ కులాల అభివృద్ధి శాఖ ఆధ్వర్యంలో బాబు జగ్జీవన్‌ రావ్‌ జయంతి వేడుకలు నిర్వహించారు. కార్యక్రమానికి జిల్లా కలెక్టర్‌ జితేష్‌ వి పాటిల్‌ ముఖ్య అతిథిగా హాజరై మాట్లాడారు.
అన్ని వర్గాల ప్రజల అభ్యున్నతికి కృషి చేసిన మహనీయుడు జగ్జీవన్‌ రామ్‌ అని కొనియాడారు. సామాజిక సమానత్వం కోసం పోరాడిన ఆదర్శ నాయకుడు అని పేర్కొన్నారు. జుక్కల్‌ ఎమ్మెల్యే హనుమంత్‌ షిండే మాట్లాడారు. మహనీయుల జీవిత చరిత్రలు పూర్తిస్థాయిలో చదవాలని సూచించారు. స్వాతంత్ర సమర యోధుడు, మచ్చలేని నిస్వార్ధ నాయకుడిగా పనిచేశారని అని కొనియాడారు.
మాజీ ఉప ప్రధానిగా డాక్టర్‌ జగ్జీవన్‌ రామ్‌ పనిచేశారని అని చెప్పారు. సమావేశంలో జడ్పీ వైస్‌ చైర్మన్‌ ప్రేమ్‌ కుమార్‌, జిల్లా షెడ్యూల్‌ కులాల అధికారిని రజిత, జిల్లా బీసీ సంక్షేమ అధికారి శ్రీనివాస్‌, ఆర్డీవో శ్రీను, ప్రజా ప్రతినిధులు, అధికారులు, బిసి, దళిత సంఘాల ప్రతినిధులు ప్రతినిధులు పాల్గొన్నారు.
