Telangana Live Telangana Live News and Views 24X7
నిజామాబాద్‌, ఏప్రిల్‌ 11
నిజామాబాద్‌ న్యూస్‌ డాట్‌ ఇన్‌ : భారత రాజ్యాంగ నిర్మాత డాక్టర్‌ బాబాసాహెబ్‌ అంబేడ్కర్‌ జన్మదినాన్ని పురస్కరించుకుని జిల్లా సాంఘిక సంక్షేమ శాఖ ఆధ్వర్యంలో ఈ నెల 14 వ తేదీన జిల్లా కేంద్రంలోని రాజీవ్‌ గాంధీ ఆడిటోరియంలో జయంతి ఉత్సవాలు నిర్వహించడం జరుగుతుందని కలెక్టర్‌ సి.నారాయణరెడ్డి తెలిపారు.
ఉదయం తొమ్మిది గంటలకు ఫులాంగ్‌ చౌరస్తాలో అంబేడ్కర్‌ విగ్రహానికి నివాళులు అర్పించడం జరుగుతుందని, అనంతరం రాజీవ్‌ గాంధీ ఆడిటోరియంలో ప్రారంభం అయ్యే వేడుకల్లో జిల్లాకు చెందిన ప్రజాప్రతినిధులు పాల్గొంటారని అన్నారు. అధికారులు, అనధికారులు, దళిత సంఘాల ప్రతినిధులు పెద్ద సంఖ్యలో హాజరై అంబేడ్కర్‌ జయంతి ఉత్సవాలను విజయవంతం చేయాలని కోరారు.
