Telangana Live Telangana Live News and Views 24X7
కామారెడ్డి, ఏప్రిల్‌ 13
నిజామాబాద్‌ న్యూస్‌ డాట్‌ ఇన్‌ : అగ్నిమాపక శాఖ వారోత్సవాల వాల్‌ పోస్టర్లను బుధవారం జిల్లా కలెక్టర్‌ జితేష్‌ వి పాటిల్‌ ఆవిష్కరించారు. సమీకృత జిల్లా కార్యాలయాల సముదాయంలో అగ్నిమాపక శాఖ ఆధ్వర్యంలో సమావేశం ఏర్పాటు చేశారు. ఈ సందర్భంగా జిల్లా కలెక్టర్‌ మాట్లాడారు.
ఏప్రిల్‌ 14 నుంచి 20 వరకు అగ్నిమాపక వారోత్సవాలు నిర్వహించాలని సూచించారు. గ్రామీణ ప్రాంతాల్లో, పట్టణ ప్రాంతాల్లో షాపింగ్‌ మాల్స్‌, ఆస్పత్రిలో అగ్ని ప్రమాదాలు జరగకుండా తీసుకోవాల్సిన జాగ్రత్తలపై అధికారులు అవగాహన సదస్సు ఏర్పాటు చేయాలని కోరారు. ప్రమాదాలు జరగకుండా ప్రజలు తీసుకోవలసిన జాగ్రత్త చర్యల గురించి ప్రచారం చేస్తూ ప్రజలను చైతన్యవంతులను చేయాలని పేర్కొన్నారు. కార్యక్రమంలో అగ్నిమాపక శాఖ అధికారి సయ్యద్‌ మహమ్మద్‌ అలీ, లీడిరగ్‌ ఫైర్‌ మెన్‌ రవీందర్‌ రెడ్డి, డ్రైవర్‌ ఆపరేటర్‌ సిహెచ్‌. బాలరాజు, ఫైర్‌ మెన్‌ లక్ష్మణ్‌, స్టాలిన్‌, సంతోష్‌ కుమార్‌, వి. వెంకటి, ఎల్‌. సిద్ధిరాములు పాల్గొన్నారు.
