Telangana Live Telangana Live News and Views 24X7
డిచ్‌పల్లి, ఏప్రిల్‌ 18
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని ఎస్సీ, ఎస్టీ సెల్‌ మరియు బీసీ సెల్‌ ఆధ్వర్యంలో కామర్స్‌ అండ్‌ బిజినెస్‌ మేనేజ్‌ మెంట్‌ కళాశాలలోని సెమినార్‌ హాల్‌లో మంగళవారం ఉదయం మహనీయుల జయంత్యుత్సవాలను నిర్వహించనున్నారు. దీనికి సంబంధించిన బ్రోచర్‌ను ఉపకులపతి ఆచార్య డి. రవీందర్‌ ఆవిష్కరించారు.
కార్యక్రమానికి ముఖ్య అతిథిగా తెలంగాణ రాష్ట్ర ఉన్నత విద్యా మండలి చైర్మన్‌ ఆచార్య ఆర్‌. లింబాద్రి విచ్చేసి కీలక ప్రసంగం చేయనున్నారని, ఉపకులపతి ఆచార్య డి. రవీందర్‌, రిజిస్ట్రార్‌ కె. శివశంకర్‌ హాజరు కానున్నారని, అధ్యక్షులుగా ప్రిన్సిపాల్‌ ఆచార్య సిహెచ్‌. ఆరతి వ్యవహరిస్తారని తెలిపారు.
కార్యక్రమాన్ని ఎస్సీ, ఎస్టీ సెల్‌ డైరెక్టర్‌ డా. ఎం. బి. భ్రమరాంబిక, బీసీ సెల్‌ డైరెక్టర్‌ డా. ప్రభంజన్‌ యాదవ్‌ నిర్వహించనున్నారు. బాబు జగ్జీవన్‌ రాం, మహాత్మా జ్యోతి బాఫులే, డా. బాబా సాహెబ్‌ అంబేద్కర్‌ జయంతి వేడుకను కలిపి ఒకే వేదికపై నిర్వహిస్తున్నామని అన్నారు. కావున అధిక సంఖ్యలో అధ్యాపకులు, అధ్యాపకేతరులు, పరిశోధకులు, విద్యార్థులు పాల్గొని, దేశ నాయకుల స్ఫూర్తి పొందాలని కోరారు.
