Telangana Live Telangana Live News and Views 24X7
నిజామాబాద్‌, జూన్‌ 14
నిజామాబాద్‌ న్యూస్‌ డాట్‌ ఇన్‌ : ప్రపంచ రక్తదాతల దినోత్సవం సందర్భంగ హైదరాబాద్‌ రాజ్‌ భవన్‌ కమ్యూనిటి భవన్‌లో ఏర్పాటు చేసిన కార్యక్రమంలో నిజామాబాదుకు చెందిన పలువురికి అవార్డులు వరించాయి. ప్రపంచ రక్తదాతల దినోత్సవం అంటే ప్రపంచ పండుగ అని గవర్నర్‌ డా.తమిళి సై అన్నారు. మనకు తెలవని వారి ముఖంలో కూడ సంతోషం నింపేది రక్తదానం అన్నారు.
తన కేర్‌ డిగ్రీ కళాశాల ద్వారా అత్యధిక మందిచే రక్తదానం చేయించినందుకు నరాల సుధాకర్‌కు, ఇందూరు బ్లడ్‌ డోనర్సు గ్రూపు ద్వారా అత్యవసర పరిస్థితిలో అత్యధిక సార్లు రక్తదానం చేయించిన రామకృష్ణకు మరియు కరోనా సమయంలో రక్తదాన శిబిరాలు ఏర్పాటు చేయించిన యూవీక్యాన్‌ సంస్థ నిజామాబాద్‌ ప్రతినిధి సుజన్‌ కుమార్లకు గవర్నర్‌ డా. తమిళ సై సౌందర్రాజన్‌ అవార్డులు అందించారు. కార్యక్రమంలో రెడ్‌క్రాస్‌ ఛైర్మన్‌ బుస్స ఆంజనేయులు, రాష్ట్ర ఇసి మెంబర్‌ తోట రాజశేఖర్‌, కోశాధికారి కరిపే రవిందర్‌, సూర్యనారాయణ తదితరులు పాల్గొన్నారు.
