పిహెచ్‌.డి. నోటిఫికేషన్‌ విడుదల

డిచ్‌పల్లి, జూన్‌ 20

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని ఫ్యాకల్టీ ఆఫ్‌ ఆర్ట్స్‌లో డీన్‌ ఆచార్య ఎం. అరుణ ఆధ్వర్యంలో సోమవారం ఉదయం పిహెచ్‌.డి. పరిశోధన కోసం క్యాటగిరి – 1 నోటిఫికేషన్‌ విడుదల అయ్యింది.

ఈ సందర్భంగా ఆమె మాట్లాడుతూ… ఫ్యాకల్టీ ఆఫ్‌ సైన్స్‌ అండ్‌ కంప్యూటర్‌ సైన్స్‌ల్లో గల అప్లైడ్‌ స్టాటిస్టిక్స్‌, బయోటెక్నాలజీ, బాటనీ, కెమిస్ట్రీ, జియో ఇన్‌ ఫార్మాటిక్స్‌, ఫిజిక్స్‌ మరియు కంప్యూటర్‌ సైన్సెస్‌ అండ్‌ ఇంజినీరింగ్‌ సబ్జెక్టుల్లో క్యాటిగిరి – 1 కి చెందిన యూజీసీ జెఆర్‌ఎఫ్‌ మరియు ఏదైనా నేషనల్‌ సంస్థ నుంచి ఫెలోషిప్‌కు అర్హులైన అభ్యర్థుల నుంచి మాత్రమే పిహెచ్‌.డి. పరిశోధన చేయడానికి దరఖాస్తులు కోరుతున్నామన్నారు.

చివరి తేది జూలై 15 తేదీ వరకు 1000 రూపాయల ఫీజుతో దరఖాస్తు ఫారాన్ని పూర్తి చేసి సైన్స్‌ డీన్‌ కార్యాలయంలో సమర్పించాలని ఆమె కోరారు. తదితర పూర్తి వివరాలకు యూనివర్సిటీ వెబ్‌సైట్‌ సందర్శించాలన్నారు.