ఒలింపిక్‌ డే రన్‌ ప్రారంభించిన కలెక్టర్‌

నిజామాబాద్‌, జూన్‌ 22

నిజామాబాద్‌ న్యూస్‌ డాట్‌ ఇన్‌ : జిల్లా ఒలింపిక్‌ సంఘం ఆధ్వర్యంలో బుధవారం జిల్లా కేంద్రంలో నిర్వహించిన ఒలింపిక్‌ డే రన్‌ ను కలెక్టర్‌ సి.నారాయణరెడ్డి ప్రారంభించారు. స్థానిక రాజరాజేంద్ర థియేటర్‌ చౌరస్తా నుండి చేపట్టిన ఒలింపిక్‌ పరుగును జెండా ఊపి లాంఛనంగా ప్రారంభించిన కలెక్టర్‌, తాను కూడా క్రీడా జ్యోతిని చేతబూని ఒలింపిక్‌ రన్‌లో భాగస్వాములయ్యారు.

బడాబజార్‌, నెహ్రూపార్క్‌, గాంధీచౌక్‌, బస్టాండ్‌ మీదుగా ఒలింపిక్‌ రన్‌ జిల్లా క్రీడా అథారిటీ మైదానం వరకు కొనసాగింది. విద్యార్థులు, క్రీడాకారులు ఎంతో ఉత్సాహంగా పరుగులో పాల్గొన్నారు. పలువురు ఔత్సాహిక క్రీడాకారులు ప్రదర్శించిన విన్యాసాలు ఆకట్టుకున్నాయి. కార్యక్రమంలో జిల్లా ఒలింపిక్‌ సంఘం అధ్యక్షుడు గడీల శ్రీరాములు, కార్యదర్శి లింగన్న, కోశాధికారి బొబ్బిలి నర్సయ్య, జిల్లా క్రీడల అభివృద్ధి అధికారి ముత్తెన్న, టీఎన్‌జీఓల సంఘం జిల్లా అధ్యక్ష, కార్యదర్శులు అలుక కిషన్‌, అమృత్‌ కుమార్‌, క్రీడా సంఘాల ప్రతినిధులు నరాల సుధాకర్‌, సంజీవరెడ్డి, ప్రవీణ్‌ రెడ్డి తదితరులు పాల్గొన్నారు.