డిగ్రీ పరీక్షల్లో ఇద్దరు డిబార్‌

డిచ్‌పల్లి, జూన్‌ 27

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో గల డిగ్రీ సిబిసిఎస్‌ రెండవ, నాల్గవ, ఆరవ సెమిస్టర్స్‌ రెగ్యూలర్‌ మరియు మొదటి, మూడవ, ఐదవ సెమిస్టర్స్‌ బ్యాక్‌ లాగ్‌ థియరీ పరీక్షలు సోమవారం కూడా ప్రశాంతంగా కొనసాగినట్లు పరీక్షల నియంత్రణాధికారి ఆచార్య ఎం. అరుణ తెలిపారు.

ఉదయం జరిగిన నాల్గవ సెమిస్టర్‌ రెగ్యూలర్‌, ఐదవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 9254 నమోదు చేసుకోగా 8552 మంది హాజరు, 702 మంది గైర్హాజరు అయినట్లు తెలిపారు.

మధ్యాహ్నం జరిగిన రెండవ సెమిస్టర్‌ రెగ్యూలర్‌, మూడవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 13305 నమోదు చేసుకోగా 12314 మంది హాజరు, 991 మంది గైర్హాజరు అయినట్లు తెలిపారు.

భీంగల్లులోని ప్రభుత్వ డిగ్రీ కళాశాలలోని అడ్వాన్స్‌ అకౌంటింగ్‌ సబ్జెక్ట్‌లో ఒక విద్యార్థి, కామారెడ్డిలోని ఆర్‌కె డ్రిగ్రీ కళాశాలలోని కెమిస్ట్రీ సబ్జెక్ట్‌లో ఒక విద్యార్థి మాల్‌ ప్రాక్టిస్‌కు పాల్పడుతూ డిబార్‌ అయినట్లుగా ప్రకటించారు.