ఐదుగురు డిబార్‌

డిచ్‌పల్లి, జూలై 2

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో గల డిగ్రీ సిబిసిఎస్‌ మొదటి, మూడవ, ఐదవ సెమిస్టర్స్‌ బ్యాక్‌లాగ్‌ మరియు రెండవ, నాల్గవ, ఆరవ సెమిస్టర్స్‌ రెగ్యులర్‌ థియరీ పరీక్షలు శనివారం కూడా ప్రశాంతంగా కొనసాగినట్లు పరీక్షల నియంత్రణాధికారి ఆచార్య ఎం. అరుణ తెలిపారు.

ఉదయం జరిగిన నాల్గవ సెమిస్టర్‌ రెగ్యూలర్‌, ఐదవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 7495 నమోదు చేసుకోగా 7033 మంది హాజరు, 562 మంది గైర్హాజరు అయినట్లు తెలిపారు.

మధ్యాహ్నం జరిగిన రెండవ సెమిస్టర్‌ రెగ్యూలర్‌, మూడవ సెమిస్టర్‌ బ్యాక్‌ లాగ్‌ థియరీ పరీక్షలకు మొత్తం 12436 నమోదు చేసుకోగా 11446 మంది హాజరు, 990 మంది గైర్హాజరు అయినట్లు తెలిపారు.

బోధన్‌ లోని ప్రభుత్వ డిగ్రీ కళాశాలలో గల పరీక్షాకేంద్రంలో మ్యాథమెటిక్స్‌లో ఒకరు, కార్పొరేట్‌ అకౌంటింగ్‌ సబ్జెక్టులో ఇద్దరు, ఆర్మూర్‌ ప్రభుత్వ డిగ్రీ కళాశాలలో మ్యాథమెటిక్స్‌ సబ్జెక్టులో ఒకరు, నిజామాబాద్‌ ఎమ్‌.యస్‌.ఆర్‌ డిగ్రీ కళాశాలలో మ్యాథమెటిక్స్‌ సబ్జెక్టులో ఒకరు, నిశిత డిగ్రీ కళాశాలలో ఆర్‌.డీ.బి.ఎమ్‌.యస్‌.లో ఒకరు చొప్పున మాల్‌ ప్రాక్టీస్‌కు పాల్పడుతూ డిబార్‌ అయినట్లు వివరించారు.