గురు మార్గదర్శన మహోత్సవ పోస్టర్ల ఆవిష్కరణ

కామారెడ్డి, జూలై 6

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలో బుధవారం గురు మార్గదర్శన మహోత్సవ పోస్టర్లను ఆవిష్కరించారు. వీరశైవ జంగమ సమాజం ఆధ్వర్యంలో ఈనెల 18న బిచ్కుంద పట్టణంలో గురు మార్గదర్శన మహోత్సవ కార్యక్రమం నిర్వహించనున్నారు. ఇందులో భాగంగా స్థానిక తాసిల్దార్‌ కార్యాలయంలో పోస్టర్లను ఆవిష్కరించారు.

ఈ సందర్భంగా జిల్లా వీరశైవ జంగమ సమాజం అధ్యక్షులు విజయ్‌ కుమార్‌ మాట్లాడుతూ ఈనెల 18న బిచ్కుంద లో జరిగే గురు మార్గదర్శనం మహోత్సవం ఘనంగా నిర్వహిస్తున్నామన్నారు. జిల్లాలోని వీరశైవ జంగమ సమాజం పెద్ద ఎత్తున తరలిరావాలని కోరారు. కార్యక్రమంలో తాసిల్దార్‌ ప్రేమ్‌ కుమార్‌, జంగమ సమాజం గౌరవ అధ్యక్షులు వీరయ్య, ప్రతినిధులు మురళి, మహావీర్‌, సుధాకర్‌, సంగప్ప తదితరులు పాల్గొన్నారు.