Telangana Live Telangana Live News and Views 24X7
నందిపేట్‌, జూలై 8
నిజామాబాద్‌ న్యూస్‌ డాట్‌ ఇన్‌ : నందిపేట మండల కేంద్రంలో శుక్రవారం యువజన కాంగ్రెస్‌ ఆధ్వర్యంలో ఉమ్మడి ఆంధ్రప్రదేశ్‌ మాజీ ముఖ్యమంత్రి దివంగత జననేత డాక్టర్‌ వైఎస్‌ రాజశేఖరరెడ్డి 73వ జయంతి సందర్భంగా ఆయన చిత్రపటానికి పూలమాలలు వేసి నివాళులు అర్పించారు.
ఈ సందర్బంగా మాట్లాడుతు కాంగ్రెస్‌ పార్టీకి వైఎస్‌ చేసిన సేవలను గుర్తుచేశారు. ముఖ్యమంత్రిగా వైఎస్‌ చేసిన పలు అభివృద్ధి కార్యక్రమాలను జ్ఞాపకం చేశారు. అలాగే అయన ప్రవేశపెట్టిన సంక్షేమ పథకాల వలన అన్ని వర్గాల ప్రజల గుండెల్లో నిలిచిపోయాడని కీర్తించారు. కార్యక్రమంలో నిజామాబాద్‌ జిల్లా యువజన కాంగ్రెస్‌ జనరల్‌ సెక్రెటరీ మంద మహిపాల్‌, నియోజకవర్గ యువజన కాంగ్రెస్‌ ఉపాధ్యక్షులు బైండ్ల ప్రశాంత్‌, నందిపేట్‌ మండల కాంగ్రెస్‌ పార్టీ బీసీ సెల్‌ అధ్యక్షులు వైఎస్‌ గంగాధర్‌, యువజన కాంగ్రెస్‌ నాయకులు ఫిరాజి నాగరాజ్‌ పాల్గొన్నారు.
