డిగ్రీ వన్‌ టైం చాన్స్‌ పరీక్షల రీవాల్యూయేషన్‌, రీకౌంటింగ్‌

డిచ్‌పల్లి, జూలై 20

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలల్లో గల బి.ఎ., బి.కాం., బి.ఎస్సీ., బి.బి.ఎ. మొదటి, రెండవ, మూడవ సంవత్సరం వన్‌ టైం చాన్స్‌ బ్యాక్‌ లాగ్‌ థియరీ పరీక్షల ఫలితాలు ఇటీవల వెలువడిన సంగతి విదితమే. కాగా ఈ పరీక్షల సమాధాన పత్రాలకు ఈ నెల 26 వ తేదీన రీవాల్యూయేషన్‌ / రీకౌంటింగ్‌ నిర్వహించనున్నట్లు పరీక్షల నియంత్రణాధికారి ఆచార్య ఎం. అరుణ పేర్కొన్నారు.

రీవాల్యూయేషన్‌ పేపర్‌ ఒక్కింటికి 500 రూపాయలు, రీకౌంటింగ్‌ పేపర్‌ ఒక్కింటికి 300 రూపాయలు, దరఖాస్తు ఫారం ఒక్కింటికి 25 రూపాయలు చెల్లించవలసి ఉంటుందన్నారు. పూర్తి వివరాలకు తెలంగాణ యూనివర్సిటి వెబ్‌ సైట్‌ను సందర్శించాలని ఆమె సూచించారు.