రామన్నపేటలో అష్టావధానం

వేల్పూర్‌, ఆగష్టు 2

నిజామాబాద్‌ న్యూస్‌ డాట్‌ ఇన్‌ : వేల్పూర్‌ మండలంలోని రామన్నపేట్‌ జిల్లా పరిషత్‌ ఉన్నత పాఠశాలలో కొరవి గోపరాజు సాహిత్య సాంస్కృతిక సంస్థ ఆధ్వర్యంలో బుధవారం అష్టావధానం కార్యక్రమం నిర్వహించనున్నట్టు ఆ సంస్థ వ్యవస్థాపక అధ్యక్షుడు, ప్రముఖ కవి కంకణాల రాజేశ్వర్‌ తెలిపారు.

జిల్లా కేంద్రానికి చెందిన అవధాన విద్యా వాచస్పతి, విశ్రాంత మండల విద్యాధికారిచే అష్ఠావధానం ఉంటుందని తెలిపారు. అవధానంలో నిషిద్దాక్షరి, సమస్య పూరణం, దత్తపది, అప్రస్తుత ప్రసంగం, వర్ణన, పురాణ పఠనం, ఘంటా గణనం పృచ్ఛకులు పాల్గొంటారని తెలిపారు.