Telangana Live Telangana Live News and Views 24X7
కామారెడ్డి, ఆగష్టు 19
నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలోని శ్రీకృష్ణ ధ్యాన మందిరంలో శ్రీ కృష్ణాష్టమి జన్మదిన పురస్కరించుకొని జెండా ఆవిష్కరణ చేశారు. అనంతరం చిన్నారులేచే ఉట్టి కొట్టించారు. చిన్నారులు శ్రీకృష్ణ వేష ధారణతో వివిధ రకాల నృత్యాలు చేశారు. ఈ సందర్భంగా శ్రీకృష్ణ ధ్యాన మందిర్‌ పీఠాధిపతి కామారెడ్డి మహంత్‌ శ్రీ గాంధారి మచాలే బాబా, టిఆర్టియు జిల్లా అధ్యక్షులు అంబీర్‌ మనోహర్‌ రావు మాట్లాడారు.
ప్రతి సంవత్సరం శ్రీ కృష్ణాష్టమి రోజు శ్రీకృష్ణ ధ్యాన మందిరంలో జెండా ఆవిష్కరణ చేయడం జరుగుతుందని తెలిపారు. శ్రీ కృష్ణాష్టమి జన్మదిన పురస్కరించుకొని జిల్లా ప్రజలకు పట్టణ ప్రజలకు శుభాకాంక్షలు తెలిపారు. కార్యక్రమంలో డాక్టర్‌ రాంసింగ్‌, మాజీ జెడ్పిటిసి రాజేశ్వరరావు, మాజీ ఎంపీపీ శివాజీ రావు ఇంటర్నేషనల్‌ యోగ గురువు బండి రాములు, ఎస్‌ఆర్కె ప్రిన్సిపల్‌ దత్తు, బాలాజీ, అంజిరెడ్డి, కౌన్సిలర్‌ రామ్మోహన్‌ విద్యార్థులు భక్తులు పాల్గొన్నారు.
