సెప్టెంబర్‌ 3 న వార్షికోత్సవం

డిచ్‌పల్లి, ఆగష్టు 19

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలో సెప్టెంబర్‌ 3వ తేదీన వార్షికోత్సవం నిర్వహించనున్నట్లు ఉపకులపతి ఆచార్య డి. రవీందర్‌ తెలిపారు. అందుకోసం ఈ నెల 22 వ తేదీ నుంచి 27 వ తేదీ వరకు ప్రతి రోజు మధ్యాహ్నం 2 గంటల నుంచి సాంస్కృతిక పోటీలు నిర్వహించనున్నట్లు ఆయన పేర్కొన్నారు.

వ్యాస రచన, వక్తృత్వం, చిత్రలేఖనం, రంగోళి, క్విజ్‌, పాటలు, నృత్యాలలో పోటీలు నిర్వహిస్తున్నమని అన్నారు. కావున సాంస్కృతిక పోటీల్లో విశ్వవిద్యాలయ విద్యార్థులు అధిక సంఖ్యలో పాల్గొని అభిరుచి కలిగిన ఆయా కళలలో సృజనాత్మక సామర్థ్యానికి మెరుగులు పెట్టుకోవాలని ఆయన కోరారు.