సెమిస్టర్‌ పరీక్ష ఫలితాల విడుదల

డిచ్‌పల్లి, సెప్టెంబర్‌ 5

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ కళాశాలలో గల డిగ్రీ సిబిసిఎస్‌ పాఠ్యప్రణాళికకు సంబంధించిన ఆరవ సెమిస్టర్‌ రెగ్యూలర్‌ పరీక్షల ఫలితాలను సోమవారం సాయంత్రం ఉపకులపతి ఆచార్య డి. రవీందర్‌ విడుదల చేశారు.

పరీక్షలకు మొత్తం 7979 మంది విద్యార్థులు నమోదు చేసుకోగా (బాలురు : 2959 బాలికలు : 5020) మొత్తం 3348 మంది ఉత్తీర్ణత సాధించినట్లు (బాలురు : 880 బాలికలు : 2668) పరీక్షల నియంత్రణాధికారి ఆచార్య ఎం. అరుణ తెలిపారు. ఉత్తీర్ణత శాతం మొత్తం 44.47 కాగా బాలురు 29.74, బాలికలు 53.15 ఉన్నట్లు తెలిపారు.

కార్యక్రమంలో ఉపకులపతి ఆచార్య డి. రవీందర్‌, రిజిస్ట్రార్‌ ఆచార్య బి. విద్యావర్ధిని, పరీక్షల నియంత్రణాధికారి ఆచార్య ఎం. అరుణ, అడిషనల్‌ కంట్రోలర్‌ డా. నీలిమా, డా. మహేందర్‌ రెడ్డి, సూపరిండిరటెడ్‌ జ్యోతి పాల్గొన్నారు. పూర్తి వివరాలకు వెబ్‌సైట్‌ని మంగళవారం సాయంత్రం నుంచి సందర్శించాలని సూచించారు.