Telangana Live Telangana Live News and Views 24X7
నిజామాబాద్‌, సెప్టెంబర్‌ 11
నిజామాబాద్‌ న్యూస్‌ డాట్‌ ఇన్‌ : ఉపాధ్యాయ దినోత్సవ సందర్భంగా ఇన్నర్‌ వీల్‌ క్లబ్‌ నిజామాబాద్‌, ఇందుర్‌ క్లబ్‌ ఆధ్వర్యంలో నగరంలోని తిలక్‌ గార్డెన్‌ వద్ద గల లేడీస్‌ క్లబ్‌లో మహిళ అధ్యాపకులు ఉపాధ్యాయులకు ఘనంగా సన్మానించారు. ఈ సందర్భంగా ఇన్నర్‌ వీల్‌ క్లబ్‌ నిజామాబాద్‌ అధ్యక్షురాలు సాక్షి బన్సల్‌ మాట్లాడుతూ సమాజంలో విద్యార్థుల భవితను తీర్చిదిద్దరంలో ఉపాధ్యాయుల పాత్ర ఎంతో గొప్పదని మహిళా అధ్యాపకులు ఉపాధ్యాయుల సేవలు అందించడం అభినందనీయమని పేర్కొన్నారు.
కార్యక్రమంలో వృత్తిలో ప్రతిభ కనబరిచిన అధ్యాపకురాలు డాక్టర్‌ ఎస్‌ శమంత, ఉపాధ్యాయురాలు జ్యోతి, అనితలను శాలువాలు, జ్ఞాపికలతో ఘనంగా సన్మానించారు. క్లబ్‌ కార్యదర్శి రూప మిట్ట, ప్రతినిధులు అనుపమ సుబేదార్‌, నేహా తదితరులు పాల్గొన్నారు.
