మానవ జీవితానికి సార్ధకత సేవా మార్గమే

కామారెడ్డి, జూన్ 8

నిజామాబాద్ న్యూస్ డాట్ ఇన్ ః కామారెడ్డి జిల్లా కేంద్రంలోని వి. టి.ఠాకూర్ బ్లడ్ బ్యాంకు లో మంగ‌ళ‌వారం తాడ్వాయి మండలం కన్కల్ గ్రామానికి చెందిన హరిప్రసాద్ 23 వ సారి తన జన్మదినాన్ని పురస్కరించుకొని రక్తదానం చేశారు.

ఈ సందర్భంగా కామారెడ్డి రక్తదాతల సమూహ నిర్వాహకుడు బాలు మాట్లాడుతూ హరి ప్రసాద్ సహాయ ఫౌండేషన్ ఏర్పాటు చేసి ఎన్నో సామాజిక సేవా కార్యక్రమాలు చేయడమే కాకుండా జన్మదినం సందర్భంగా 23వ సారి రక్త దానం చేయడం అభినందనీయమని అన్నారు.

మరిన్ని సామాజిక సేవా కార్యక్రమాలను నిర్వహించాలని, జన్మదినం సందర్భంగా రక్తదానం చేసిన రక్తదాతను అభినందించారు. కార్యక్రమంలో టెక్నీషియన్ ఏసుగౌడ్ పాల్గొన్నారు.