రాష్ట్ర ఉత్తమ ఉపాధ్యాయునికి సన్మానం

కామారెడ్డి, సెప్టెంబర్‌ 12

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రానికి చెందిన ప్రభుత్వ ఉపాధ్యాయులు చిన్న మల్లారెడ్డి జిల్లా పరిషత్‌ బాలుర ఉన్నత పాఠశాలలో భౌతిక శాస్త్ర విభాగంలో బోధన చేస్తున్న ప్రవీణ్‌ కుమార్‌కి రవీంద్రభారతిలో తెలంగాణ రాష్ట్ర ప్రభుత్వంచే ఉత్తమ ఉపాధ్యాయ అవార్డు 2022 ను స్వీకరించిన సందర్భంగా కామారెడ్డి మండల విద్యాధికారి ఎల్లయ్య, డిగ్రీ కళాశాల ప్రిన్సిపల్‌ కిష్టయ్య ఆర్కే విద్యాసంస్థల డైరెక్టర్‌ జైపాల్‌ రెడ్డి సోమవారం జరిగిన కామారెడ్డి మండల ఉత్తమ ఉపాధ్యాయ అవార్డుల ప్రదానోత్సవంలో ఘనంగా సన్మానించారు.

కార్యక్రమంలో కామారెడ్డి ఎంఈఓ ఎల్లయ్య, కామారెడ్డి డిగ్రీ కళాశాల ప్రిన్సిపల్‌ కిష్టయ్య, ఆర్కే విద్యాసంస్థల డైరెక్టర్‌ జైపాల్‌ రెడ్డి, పిఆర్‌టియు ప్రతినిధులు వివిధ ఉపాధ్యాయ సంఘాల ప్రతినిధులు, సిఆర్పిలు, మండల ఉపాధ్యాయులు పాల్గొన్నారు.