హిందీ భారతీయులందరిని ఒకటిగా ఉంచే మూల మంత్రం

నిజామాబాద్‌, సెప్టెంబర్‌ 26

నిజామాబాద్‌ న్యూస్‌ డాట్‌ ఇన్‌ : హిందీ భాష భారతీయలందరిని ఏక సూత్రం మీద కలిపి ఉంచే మూల మంత్రమని ఎస్‌బిఐ సీనియర్‌ మేనేజర్‌ సురేష్‌ అన్నారు. నెహ్రూ యువ కేంద్ర ఆధ్వర్యంలో నిర్వహించిన హిందీ కవి సమ్మేళనానికి ఆయన ముఖ్యఅతిథిగా హాజరై మాట్లాడారు. హిందీని మనం నిత్య జీవితంలో భాగం చేసుకోవాలని ఆయన సూచించారు.

నెహ్రూ యువ కేంద్ర జిల్లా యువజన అధికారిణి శైలి బెల్లాల్‌ మాట్లాడుతూ హిందీ భారతీయ ఆత్మ అని, హిందీ నేర్చుకోవడం వల్ల దేశంలో ఏ మూలకి వెళ్లినా నిష్చింతగా జీవించవచ్చని, హిందీ ప్రపంచంలోని గొప్ప భాషల్లో ఒకటని పేర్కొన్నారు.

కార్యక్రమంలో పాల్గొన్న హిందీ కవులు స్వాతంత్య్ర అమృతోత్సవాల గూర్చి, హిందీ భాష గొప్పతనం గురించి అద్భుతమైన కవితలు వినిపించారు. కార్యక్రమంలో కేంద్ర ప్రభుత్వ సంస్థల ప్రతినిధులు, హిందీ పండిట్‌లు, కవులు,విద్యార్థులు, రచయితలు పాల్గొన్నారు.