రెండు ఆర్టీసీ బస్సులు డీ, ప్రయాణికులకు గాయాలు

మాక్లూర్‌, అక్టోబర్‌ 16

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ జిల్లాలోని మాక్లుర్‌ మండలం చిన్నాపూర్‌ అర్బన్‌ పార్క్‌ వద్ద జరిగిన రోడ్డు ప్రమాదంలో ఆర్టీసీ బస్సులు మరో ఆర్టీసీ బస్సు ఢీకొట్టిన సంఘటన చోటు చేసుకుంది. విషయం తెలుసుకున్న మాక్లుర్‌ ఎస్సై యాదగిరి గౌడ్‌ హుటాహుటిన సంఘటన స్థలానికి చేరుకొని క్షతగాత్రులను తమ పోలీసు వాహనంలో చికిత్స నిమిత్తం ఆసుపత్రికి తరలించారు. స్వల్ప గాయాలైన వారిని 108 వాహనానికి సమాచారం అందించి తరలించారు.

ప్రమాదం గల కారణాలను ఉన్నతాధికారులకు తెలుపడంతో సమాచారం తెలుసుకున్న ఏసిపి వెంకటేశ్వర్లు, సిఐలు నరేష్‌, నరహరి, ఆర్టీసీ మేనేజర్‌ వెంకటేశ్వర్లు సంఘటన స్థలానికి చేరుకుని పరిస్థితి పరిశీలించారు. వరంగల్‌ నుంచి నిజామాబాద్‌ వైపుకు వస్తున్న బస్సుకు రిపేర్‌ కావడంతో పక్కకు నిలిపివేశారు. నిర్మల్‌ నుంచి వస్తున్న బస్సు ఆగి ఉన్న బస్సును గ్రహించక వెనుక నుంచి ఢీకొంది. ప్రమాదంలో బస్సులోని 12 మందికి తీవ్ర గాయాలయ్యాయి.

వెంటనే స్పందించన ఎస్‌ఐ యాదగిరి గౌడ్‌ తన వ్యక్తిగత వాహనంలో హాస్పిటల్‌కి తరలించి మానవ దృక్పథాన్ని చాటుకున్నందున పలువురు ప్రయాణికులు వాహన చోదకులు అభినందించారు. ప్రమాదానికి కారణమైన బస్సు డ్రైవర్‌ కండక్టర్‌పై కేసు నమోదు చేసినట్లు ఎస్సై యాదగిరి గౌడ్‌ తెలిపారు.