వైద్య బృందాన్ని అభినందించిన మంత్రి

నిజామాబాద్‌, అక్టోబర్‌ 21

నిజామాబాద్‌ న్యూస్‌ డాట్‌ ఇన్‌ : ఒకే రోజు 10 మోకాలి చిప్ప ఆపరేషన్లు విజవంతంగా పూర్తి చేసిన నిజామాబాద్‌ ప్రభుత్వ హాస్పిటల్‌ వైద్య బృందానికి రాష్ట్ర రోడ్లు భవనాలు, గృహ నిర్మాణ మరియు శాసనసభ వ్యవహారాల శాఖ మంత్రి వేముల ప్రశాంత్‌ రెడ్డి అభినందనలు తెలిపారు.

ముఖ్యమంత్రి కేసిఆర్‌ నాయకత్వంలో ప్రభుత్వ హాస్పిటల్లో కల్పించిన మౌళిక సదుపాయాల వల్లే ఇది సాధ్యం అయ్యిందని, ఇప్పటి వరకు 60 ఆపరేషన్లు విజవంతంగా పూర్తి చేసిన ఆస్పత్రి వైద్యులకు, సూపరింటెండెంట్‌ ప్రతిమారాజ్‌కు శుభాకాంక్షలు తెలిపారు.