జాతీయ సాహస శిబిరానికి ఎన్‌ఎస్‌ఎస్‌ విద్యార్థులు

డిచ్‌పల్లి, నవంబర్‌ 3

నిజామాబాద్‌ న్యూస్‌ డాట్‌ ఇన్‌ : ఈ నెల 6 వ తేదీ నుండి 15 వరకు సోలాంగ్‌ (మనాలి) హిమాచల్‌ రాష్ట్రంలో నిర్వహించే జాతీయ సాహస శిక్షణా శిబిరానికి తెలంగాణ యూనివర్శిటి మరియు అనుబంధ కళాశాలలకు చెందిన 10 మంది విద్యార్థులు వెళ్లినట్టు ఎన్‌ఎస్‌ఎస్‌ సమన్వయకర్త డా. రవీందర్‌ రెడ్డి తెలిపారు. శిబిరానికి కంటిన్‌ జెంట్‌ లీడర్‌గా డా. స్రవంతిని నియమించారు.

వీరు సోలాంగ్‌లోని అటల్‌ బీహార్‌ వాజపయ్‌ పర్వతారోహణ, క్రీడల సంస్థలో శిక్షణ పొందుతారు. వీరు పర్వతారోహన, రాక్‌ క్లైమ్బింగ్‌, త్రేయింగ్‌, వాటర్‌ స్పోర్ట్‌ వంటి అంశాలలో పాల్గొంటారని తెలిపారు. వీరికి మనాలి ప్రాంతీయ కార్యాలయంలో ఒక రోజు ప్రత్యేక శిక్షణ ఉంటుందని, హిమాలయాలలో (సోలాంగ్‌ వ్యాలి) ఒకరోజు ఉండాల్సి ఉంటుందన్నారు. వీటితో పాటు అన్ని రాష్ట్రాలకు సంబందించిన సాంస్కృతిక ప్రదర్శనలుంటాయన్నారు. ఈ సందర్భంగా ఎన్‌ఎస్‌ఎస్‌ వాలంటీర్లను వైస్‌ ఛాన్సలర్‌ ఆచార్య రవీందర్‌, రిజిస్ట్రార్‌ ఆచార్య విద్యావర్దిని అభినందించారు.