సుప్రీంకోర్టు చీఫ్ జ‌స్టిస్‌ను క‌లిసిన సీఎం కేసీఆర్

హైద‌రాబాద్‌, జూన్ 12

నిజామాబాద్ న్యూస్ డాట్ ఇన్ ః రాజ్‌భ‌వ‌న్‌లో సుప్రీంకోర్టు చీఫ్ జ‌స్టిస్ ఎన్వీ ర‌మ‌ణ‌ను సీఎం కేసీఆర్ శ‌నివారం సాయంత్రం మ‌ర్యాద‌పూర్వ‌కంగా క‌లిశారు.

సుప్రీంకోర్టు ప్రధాన న్యాయమూర్తి జస్టిస్‌ ఎన్వీ రమణ ఆదివారం యాదాద్రీశుడిని దర్శించుకోనున్నారు. సీజేఐగా బాధ్యతలు చేపట్టిన తర్వాత తొలిసారిగా రాష్ట్రానికి జస్టిస్‌ ఎన్వీ రమణ విచ్చేశారు.

రేపు యాదాద్రికి వెళ్లనున్నారు. లక్ష్మీనరసింహస్వామి వారిని దర్శించుకుని మొక్కులు చెల్లించుకోనున్నారు.

జస్టిస్‌ ఎన్వీ రమణతోపాటు గవర్నర్‌ తమిళిసై సౌందర్‌రాజన్‌, సీఎం కేసీఆర్‌ కూడా యాదాద్రికి వెళ్తారు. యాదాద్రీశుని దేవాలయాన్ని సీఎం కేసీఆర్‌ ప్రభుత్వం పునఃనిర్మిస్తున్న విషయం తెలిసిందే.

జస్టిస్ ఎన్వి రమణ శుక్ర‌వారం కలియుగ ప్రత్యక్ష దైవం తిరుమల శ్రీ వెంకటేశ్వర స్వామివారిని దర్శించుకున్న విష‌యం తెలిసిందే.