అతిధి అధ్యాపకుల నియమానికి దరఖాస్తుల ఆహ్వానం

బోధన్‌, నవంబర్‌ 23

నిజామాబాద్‌ న్యూస్‌ డాట్‌ ఇన్‌ : బోధన్‌ పట్టణంలోని ప్రభుత్వ డిగ్రీ కళాశాలలో కంప్యూటర్‌ సైన్స్‌ అతిధి అధ్యాపకుల నియమాకనికి దరఖాస్తు చేసుకోవాలని కళాశాల ప్రిన్సిపల్‌ రంగా రత్నం ఒక ప్రకటనలో తెలిపారు. దరఖాస్తు చేసుకునేవారు సంబంధిత సబ్జెక్టులో 55 శాతం ఉత్తీర్ణులై ఉండాలన్నారు.

ఎస్సీ, ఎస్టీలు అయితే 50 శాతం మార్కులు ఉన్న వారు అర్హులని తెలిపారు. పి.హెచ్‌.డి, నెట్‌, సెట్‌ లో ఉత్తీర్ణులు అయిన వారికి ప్రాధాన్యత ఉంటుందని తెలిపారు. ఇట్టి దరఖాస్తు ఈనెల 25వ తేదీ సాయంత్రం ఐదు గంటల లోపు కళాశాల కామర్స్‌ అధ్యాపకులు వినయ్‌ కుమార్‌కు అందజేయాలన్నారు. ఈనెల 26 తేదీన దరఖాస్తు చేసుకున్న వారికి కళాశాల ప్రాంగణంలో ఇంటర్వ్యూ నిర్వహించడం జరుగుతుందన్నారు.