Telangana Live Telangana Live News and Views 24X7
ఆర్మూర్‌, నవంబర్‌ 29
నిజామాబాద్‌ న్యూస్‌ డాట్‌ ఇన్‌ : తెలంగాణ విద్యార్థి ఉద్యమ వేదిక ఆధ్వర్యంలో పెండిరగ్‌ లో ఉన్న ఫీ -రియంబర్స్‌ మెంట్‌ను విడుదల చెయ్యాలని ఆర్మూర్‌ ఆర్‌.డి.వో ఎ.ఓ లతకు వినతి పత్రం అందజేశారు. ఈ సందర్భంగా టివియువి రాష్ట్ర కో ఆర్డినేటర్‌ రమావత్‌ లాల్‌ సింగ్‌ మాట్లాడుతూ తెలంగాణ రాష్ట్ర ప్రభుత్వం ఫీ-రియంబర్స్‌ మెంట్‌ మొత్తాన్ని విడుదల చెయ్యక పోవడంతో విద్యార్థులు ఉన్నత చదువులకు దూరం అవుతున్నారని ఆందోళన వ్యక్తం చేశారు.
ప్రభుత్వం ఫీ-రియంబర్స్‌ మెంట్‌ విడుదల చెయ్యనందున రాని రియంబర్స్‌ మెంట్‌ మొత్తాన్ని ఫీజులుగా చెల్లించి సర్టిఫికెట్లు తీసుకుపోవాలని ప్రైవేట్‌, ప్రభుత్వ కళాశాలలు విద్యార్థులను వేధిస్తున్నారని అన్నారు. విద్యార్థులను వేధిస్తున్న కళాశాలలపై చర్యలు తీసుకోవాలని అలాగే పెండిరగ్‌లో ఉన్న ఫీ -రియంబర్స్‌ మెంట్‌ మొత్తాన్ని విడుదల చెయ్యాలని డిమాండ్‌ చేశారు. లేని పక్షంలో ఉద్యమం ఉద్ధృతం చేస్తామని హెచ్చరించారు. కార్యక్రమంలో టివియువి మండల కన్వీనర్‌ ఆనంద్‌, కో- కన్వీనర్‌ మణి కంఠ, సహాయ కార్యదర్శి మదన్‌, రాహుల్‌, విశాల్‌, నితిన్‌ పాల్గొన్నారు.
