Telangana Live Telangana Live News and Views 24X7
నిజామాబాద్‌, డిసెంబరు 8
నిజామాబాద్‌ న్యూస్‌ డాట్‌ ఇన్‌ : బీసీ విద్యార్థుల, యువజనుల సమస్యలపై పోరాడుతు హక్కుల సాధనకై బీసీ సంక్షేమ సంఘం రాష్ట్ర అధ్యక్షులు జాజుల శ్రీనివాస్‌ గౌడ్‌ ఆధ్వర్యంలో ఈ నెల 2వ తేదీ నుండి రాష్ట్ర వ్యాప్త పోరుబాట కార్యక్రమాన్ని నిర్వహిస్తున్నారని, కార్యక్రమంలో బీసీ సంఘం రాష్ట్ర నాయకులు కుల్కచర్ల శ్రీనివాస్‌, కంకనాల శ్యాం పాల్గొంటున్నారని బీసీ సంక్షేమ సంఘం నాయకులు నరాల సుధాకర్‌ పేర్కొన్నారు.
ఇందులో భాగంగ ఈ నెల 19న సోమవారం నిజామాబాద్‌కు బీసీ సంఘం రాష్ట్ర నాయకులు చేరుకుంటున్నారని, అదే రోజు బీసీ విద్యార్థి యువజనుల పోరుయాత్ర సభను న్యూ అంబేద్కర్‌ భవన్‌లో ఉదయం 10 గంటలకు నిజామాబాద్‌ బీసీ సంక్షేమ సంఘం, విద్యార్థి సంఘం, యువజన సంఘాలు సంయుక్తంగా నిర్వహిస్తున్నాయన్నారు. సభలో బీసీలు పెద్ద ఎత్తున పాల్గొని విజయవంతం చెయ్యాలని నరాల సుధాకర్‌తో పాటు ప్రవీణ్‌ గౌడ్‌, కొయ్యాడ శంకర్‌ కోరారు.
కార్యక్రమంలో మాడవేడి వినోద్‌, మోహన్‌, రామకృష్ణ, రమణ స్వామి, చంద్రకాంత్‌ తదితరులు పాల్గొన్నారు.
