గ్రూప్‌-2, గ్రూప్‌-4 పై ఉచిత అవగాహన సదస్సు

హైదరాబాద్‌, డిసెంబరు 16

నిజామాబాద్‌ న్యూస్‌ డాట్‌ ఇన్‌ : రాష్ట్రంలో త్వరలో నిర్వహించబోయే గ్రూప్‌-2, గ్రూప్‌-4 పరీక్షలకు సన్నద్దమవుతున్న అభ్యర్థుల కోసం విజయసాధన స్టడీ సర్కిల్‌ ఆధ్వర్యంలో ఈ నెల 18, 19 తేదీలలో ఉచిత అవగాహన సదస్సు నిర్వహించనున్నట్లు డైరెక్టర్‌ కె.గంగా కిషోర్‌ ఒక ప్రకటనలో తెలిపారు.

ఉచిత అవగాహన సదస్సు దిల్‌సుఖ్‌ నగర్‌లోని తమ స్టడీ సర్కిల్లో ఉదయం 10 గంటలకు ప్రారంభమవుతుందని పేర్కొన్నారు. గ్రూప్స్‌ కోచింగ్‌లో తెలుగు రాష్ట్రాలలో అనుభవజ్ఞులైన డాక్టర్‌ ప్రభాకర్‌ రెడ్డి (పాలిటీ), రమేష్‌ నాయుడు (హిస్టరీ), పాషా (ఎకానమీ), సైదులు (జి.కె, కరెంట్‌ ఎఫైర్స్‌) లతో గ్రూప్స్‌ పరీక్షలో అవగాహన కల్పిస్తారని అన్నారు.

ఆసక్తిగల అభ్యర్థులు ఈ ఉచిత అవగాహన, డెమో క్లాసులకు హాజరుకావాలని కోరారు. పూర్తి వివరాలకు 6302166077, 9848798654 సంప్రదించాలని తెలిపారు.