నవీపేట్‌ను అన్ని రకాలుగా అభివృద్ధి చేస్తా

నవీపేట్‌, డిసెంబరు 19

నిజామాబాద్‌ న్యూస్‌ డాట్‌ ఇన్‌ : ఎన్నికల్లో గా ఇచ్చిన హామీలను అమలు చేస్తామని ఎమ్మెల్యే షకీల్‌ అన్నారు. మండలంలోని కొస్లీ పంప్‌ హౌస్‌ నుంచి అలీసాగర్‌ లిఫ్ట్‌ నుండి యాసంగి పంటకు సాగు నీళ్లను విడుదల చేశారు. అనంతరం విలేకరులతో ఆయన మాట్లాడారు.

నియోజకవర్గంలో ప్రతి గ్రామానికి ఇచ్చిన హామీలు అమలుకై ఇప్పటికే ప్రణాళికలు సిద్ధం చేశామని ఒక్కొక్క గ్రామానికి 50 నుంచి 70లక్షల రూపాయల వరకు ఫండ్స్‌ ఇవ్వడం జరుగుతుందన్నారు. రైతులకు అలీసాగర్‌ లిఫ్ట్‌ ద్వారా ఎనిమిది విడతలుగా నీళ్లను ఇవ్వడం జరుగుతుందని పంటలు మంచిగా సాగు చేసుకోవాలని కోరారు. కార్యక్రమంలో మండల నాయకులు, కార్యకర్తలు, రైతులు తదితరులు పాల్గొన్నారు.