ట్రాక్టర్‌ బోల్తా – వ్యక్తి మృతి

బాన్సువాడ, జనవరి 6

నిజామాబాద్‌ న్యూస్‌ డాట్‌ ఇన్‌ : బాన్సువాడ మండలంలోని కొల్లూరు గ్రామానికి చెందిన పిట్ల మోహన్‌ (30) వ్యవసాయ పనుల నిమిత్తం ట్రాక్టర్‌ ట్రాలీ నడుపుకుంటూ నారును తీసుకువస్తుండగా గ్రామ శివారులో ట్రాక్టర్‌ అదుపుతప్పి పొలంలో పడడంతో మోహన్‌ అక్కడికక్కడే మృతి చెందాడు.

దీంతో మృతుడి కుటుంబ సభ్యుల రోదనలు మిన్నంటాయి. సంఘటన స్థలికి చేరుకున్న పోలీసులు శవ పంచనామా నిర్వహించి పోస్టు మార్టం నిమిత్తం బాన్సువాడ ప్రభుత్వ ఆసుపత్రికి తరలించారు. భార్య ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నామన్నారు.