ఉరి వేసుకొని వ్యక్తి ఆత్మహత్య

ఎడపల్లి, జనవరి 8

నిజామాబాద్‌ న్యూస్‌ డాట్‌ ఇన్‌ : ఎడపల్లి మండలం జాన్కంపేట్‌ గ్రామానికి చెందిన ఓ వ్యక్తి అనారోగ్య సమస్యలతో ఆదివారం పశువుల కొట్టంలో ఉరివేసుకొని ఆత్మహత్యకు పాల్పడ్డాడు. గ్రామానికి చెందిన ఒడ్డె యాదగిరి (45) అనే వ్యక్తి అనారోగ్య సమస్యలతో మనస్తాపం చెంది గ్రామ శివారులోని పశువుల కొట్టంలో ఎవరూ లేని సమయంలో ఉరి వేసుకొని ఆత్మహత్యకు పాల్పడ్డాడు.

గత కొద్ది రోజులుగా మృతుడు అనారోగ్యం పాలవగా భార్య విడిచిపెట్టి వెళ్ళిపోయింది. దీంతో మృతుడు ఒంటరిగా ఉంటూ గ్రామ శివారులో ఓ కొట్టంలో నివాసముంటున్నట్లు స్థానికులు పేర్కొన్నారు. ఈ మేరకు విషయాన్ని తెలుసుకున్న పోలీసులు సంఘటన స్థలానికి చేరుకొని శవ శవ పంచనామా నిర్వహించారు.

సంఘటనకు గల కారణాలను గ్రామస్తులను అడిగి తెలుసుకున్నారు. పోస్టుమార్టం నిమిత్తం శవాన్ని ప్రభుత్వ ఆస్పత్రికి తరలించారు. కుటుంబీకుల పిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.