Telangana Live Telangana Live News and Views 24X7
నవీపేట్‌, జనవరి 10
నిజామాబాద్‌ న్యూస్‌ డాట్‌ ఇన్‌ : నవీపేట్‌ మండలంలోని ఫతేనగర్‌ గ్రామంలో నివాస గుడిసె దగ్ధం అయినట్లు తహసీల్దార్‌ వీర్‌ సింగ్‌ తెలిపారు. స్థానికులు తహసీల్దార్‌ సమాచారం ప్రకారం ఫతేనగర్‌ గ్రామానికి చెందిన విజయ కూలి పనుల కోసం వెళ్లగా షాట్‌ సర్క్యూట్‌తో మంగళవారం మధ్యాహ్నం మంటలు అంటుకోవడంతో గమనించిన చుట్టుపక్కల వారు, స్థానికులు వచ్చి మంటలను అర్పేశారు.
విషయం తెలుసుకున్న తహసీల్దార్‌ వీర్‌ సింగ్‌ ఆర్‌ఐ మోహన్‌తో కలిసి సంఘటన స్థలాన్ని పరిశీలించారు. 10 వేల రూపాయలు నగదు, 20 వేల విలువగల వస్తువులు కాలిపోయినట్లు తహసీల్దార్‌ వీర్‌ సింగ్‌ తెలిపారు.
