డిగ్రీ పరీక్షల్లో ఇద్దరు డిబార్‌

డిచ్‌పల్లి, జనవరి 17

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వ విద్యాలయం పరిధిలో మంగళవారం ఉదయం జరిగిన యూజీ 2వ సెమిస్టరు (బ్యాక్‌లాగ్‌) పరీక్షలో 3769 మంది విద్యార్థులకు గాను 3519 మంది హాజరయ్యారని, 250మంది గైర్‌ హాజరు అయ్యారని సివోఈ ప్రొఫెసర్‌ అరుణ తెలిపారు.

సిద్దార్థ డిగ్రీ కళాశాల ఆర్మూర్‌ పరీక్ష కేంద్రంలో 2వ సెమిస్టరు బ్యాక్‌ లాగ్‌ మ్యాథమెటిక్స్‌ పరీక్షలో ఒకరు డిబార్‌ కాగా, బోధన్‌ గవర్నమెంట్‌ డిగ్రీ కళాశాల పరీక్ష కేంద్రం లో 5వ సెమిస్టరు (రెగ్యులర్‌) కంప్యూటర్‌ రైజ్డ్‌ అకౌంటెంట్‌ పరీక్షలో మరొకరు డిబార్‌ అయ్యారన్నారు.

అలాగే మధ్యాహ్నం జరిగిన 5వ సెమిస్టరు (రెగ్యులర్‌ ), 6వ సెమిస్టరు బ్యాక్‌లాగ్‌ పరీక్షలలో 9733కి గాను 8974 మంది హాజరయ్యారని 759 మంది గైర్హాజరయ్యారని సివోఈ ప్రొఫెసర్‌ అరుణ తెలిపారు.