ఘనంగా నేతాజీ జయంతి వేడుకలు

రెంజల్‌, జనవరి 23

నిజామాబాద్‌ న్యూస్‌ డాట్‌ ఇన్‌ : నేతాజీ సుభాష్‌ చంద్రబోస్‌ 126 వ జయంతి ని మండలంలోని సాటాపూర్‌ ప్రాథమికోన్నత పాఠశాలలో ఘనంగా నిర్వహించారు. తెలుగు మీడియం పాఠశాలలో జనాభాయ్‌ రవికుమార్‌ దంపతులు తన కుమారుడు సాయి విశ్వాస్‌ ఇదే రోజు జన్మించడం అదృష్టమని ఈ సందర్భంగా 150 మంది విద్యార్థినీ విద్యార్థులకు, భవిత పాఠశాలలో చదువుతున్న దివ్యాంగుల పిల్లలకు నోట్‌ బుక్స్‌, పలకలను ప్రధానోపాధ్యాయులు శ్రీనివాస్‌, విశ్వనాథన్‌ల చేతుల మీదుగా విద్యార్థులకు పంపిణీ చేశారు.

ఈ సందర్భంగా వారు మాట్లాడుతూ నేతాజీ నేటి యువతకు భావి తరాల విద్యార్థులకు ఆదర్శమని దేశం కొరకు ఇండియన్‌ నేషనల్‌ ఆర్మీని స్థాపించి ఆజాద్‌ హింద్‌ హౌస్‌ అనే సంస్థను స్థాపించి యువతకు ప్రోత్సహించారని చివరికి తన ప్రాణాన్ని దేశమాత సేవలో త్రుణంగా పెట్టిన అమరుడని అన్నారు. కార్యక్రమంలో ఉపాద్యాయులు మహేందర్‌, శైలజ, జయలక్ష్మి, రాధా, బ్రహ్మం, రత్నం, తదితరులు పాల్గొన్నారు.