బాల్‌ బ్యాడ్మింటన్‌ క్రీడాకారుల ఎంపిక

ఆర్మూర్‌, జనవరి 28

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ బాల్‌ బ్యాడ్మింటన్‌ సంఘం ఆధ్వర్యంలో ఆర్మూర్‌ విజయ్‌ హైస్కూల్‌లో ఉమ్మడి నిజామాబాద్‌ కామారెడ్డి జిల్లాల బాల్‌ బ్యాడ్మింటన్‌ క్రీడాకారుల ఎంపిక శనివారం నిర్వహించారు. ఎంపికలకు నిజామాబాద్‌, కామారెడ్డి జిల్లాల నుండి బాలురు 90, బాలికలు 80 మంది క్రీడాకారులు పాల్గొన్నారు. ఇందులో నుండి ఉత్తమ ప్రతిభ కనబర్చినటువంటి క్రీడాకారులను ఎంపిక చేసినట్టు నిజామాబాద్‌ జిల్లా బాల్‌ బ్యాడ్మింటన్‌ సంఘం ప్రధాన కార్యదర్శి బి.శ్యాం తెలిపారు.

ఎంపికైన క్రీడాకారులకు ఫిబ్రవరి 2వ తేదీ నుంచి 9 వరకు శిక్షణ శిబిరాన్ని ఏర్పాటు చెయ్యడం జరుగుతుందని, శిక్షణ శిబిరంలో ప్రతిభ కనబర్చిన క్రీడాకారులను ఎంపిక చేసి వారిని ఫిబ్రవరి 10 తేదీ నుండి 12వ తేదీ వరకు విజయ్‌ హై స్కూల్‌ ఆర్మూర్‌, నిజామాబాద్‌ జిల్లాలో జరిగే 41వ తెలంగాణ రాష్ట్రస్థాయి ఇంటర్‌ డిస్టిక్‌ సబ్‌ జూనియర్‌ బాల్‌ బ్యాడ్మింటన్‌ క్రీడా పోటీలకు నిజామాబాద్‌ జిల్లా జట్టుకు ప్రాతినిధ్యం వహిస్తారన్నారు.

కార్యక్రమంలో జిల్లా బాల్‌ బ్యాడ్మింటన్‌ సంఘం అధ్యక్షులు మానస గణేష్‌, సంఘం ప్రధాన కార్యదర్శి శ్యామ్‌, కోశాధికారి రాజేశ్వర్‌, కృష్ణమూర్తి, సురేందర్‌, మాధురి, రమణమూర్తి, సురేష్‌, రామ్‌ సింగ్‌, ధరంపురి, వినోద్‌, జ్యోత్స్న, సంఘ సభ్యులు భాగ్య, భాగ్యశ్రీ, పాల్గొన్నారు.