కళాపూర్‌లో ఘనంగా రథసప్తమి వేడుకలు

రెంజల్‌, జనవరి 28

నిజామాబాద్‌ న్యూస్‌ డాట్‌ ఇన్‌ : రెంజల్‌ మండలం కలేపూరు గ్రామంలో శనివారం రథసప్తమి వేడుకలు వెంకటేశ్వర ఆలయంలో ఘనంగా నిర్వహించారు ప్రతి సంవత్సరం రథసప్తమి సందర్భంగా వెంకటేశ్వర ఆలయంలో గ్రామస్తులు కలిసికట్టుగా ప్రత్యేక పూజలు నిర్వహించి వెంకటేశ్వరా కల్యాణాన్ని నిర్వహించారు. ఉదయం నుండి ఆలయంలో మహిళలు మంగళహారతులతో ప్రత్యేక పూజలు నిర్వహించి స్వామివారి కల్యాణాన్ని అంగరంగ వైభవంగా నిర్వహించారు.

అనంతరం భక్తుల సౌకర్యార్థం అన్నదాన కార్యక్రమాన్ని నిర్వహించారు. కార్యక్రమంలో సర్పంచ్‌ కాశం నిరంజనీ సాయిలు, ఉప సర్పంచ్‌ జలయ్య, రైతు సమన్వయ సమితి మండల అధ్యక్షుడు కాశం సాయిలు, వీడిసి చైర్మన్‌ నాగరాజు, గ్రామస్తులు మోహన్‌, శంకర్‌, బొర్గం గంగాధర్‌, నవీన్‌, ప్రభాకర్‌, కుమార్‌, శ్రీనివాస్‌, ప్రవీణ్‌, విజయ్‌, గంగాధర్‌, పెంటయ్య, తదితరులు పాల్గొన్నారు.