మానవాళికి రక్షణే గీతా పారాయణం

బాల్కొండ, ఫిబ్రవరి 14

నిజామాబాద్‌ న్యూస్‌ డాట్‌ ఇన్‌ : సృష్టిలోని మానవునికి రక్షణే శ్రీ మద్భగవత్‌ గీతా ఆని ప్రముఖ స్వామి హరా చారి నారాయణ అన్నారు. ఈ నెల 12 నుండి మంగళ వారం వరకు శ్రీకృష్ణా ఆలయంలో బ్రహ్మోత్సవాలు ఘనంగా నిర్వహించారు.

ముగింపు సమావేశంలో స్వామీజీ మాట్లాడుతూ బాల్కొండ నియోజక వర్గ కేంద్రంలోని శ్రీ నిమిషాంభ దేవి ఆలయంలో 2022 మార్చ్‌ 28 న ప్రారంభమైన శ్రీ మద్బగవత్‌ గీతా పారాయణం ప్రతి సోమవారం నిరంతరంగా కొనసాగడం అభినందనీయమని, అమ్మ వారి ఆలయంలో శ్రీ మద్బగవత్‌ గీతా పారాయణం జరగటంతో బాల్కొండలో నేడు ప్రతి ఆలయాల్లో గీతా, హనుమాన్‌ చాలీసా జరుగుతుండడం విశేషమని ఇందుకు ప్రోత్సహిస్తున్న నిజామాబాద్‌ విశ్వ హిందూ పరిషద్‌ కార్యనిర్వహక ఉపాధ్యక్షులు కట్రజీ నరేందర్‌, నిమిషాంభ దేవి ఆలయ శ్రీ మద్బగవత్‌ గీతా పారాయణం నిర్వాహకులు బి.రవికిరణ్‌ అభినందనీయులని అన్నారు.

విశ్వానికి ఆదర్శ పురుషుడు యోగేశ్వరుడు శ్రీకృష్ణుడని, కృష్ణ నామస్మరణతో మానవాళి సంసార సాగరంలో ముక్తి పొందుట తధ్యమని అన్నారు. స్థానిక పోచమ్మగల్లీ బాల్కొండలోగల శ్రీకృష్ణ ఆలయం గత సంవత్సరంలో మధురను తలపించేలా అందమైన కళాకృతులచే నిర్మించి శ్రీ కృష్ణుని విగ్రహం శాస్త్రోక్తంగా వేద పండితుల ఋత్విక్‌ లచే ప్రతిష్టాపన జరిగిందన్నారు.

సంవత్సర కాలం పూర్తయినందున స్వామివారి ఊరేగింపు, యజ్ఞం, పూర్ణాహుతి శ్రీ కృష్ణ రుక్మిణి కళ్యాణం, మహా అన్నదాన సత్రం జరిగిదన్నారు. ఈ సంధర్భంగా కత్రాజి నరేంధర్‌, పోతరాజు గుండ్రాతూ పోశెట్టి, కృష్ణ అలయకమిటీ వారు భక్తుల సౌకర్యార్థం ప్రత్యేకంగా ఏర్పాట్లు చేశారు. గ్రామ ప్రముఖులు, మహిళలు, చుట్టూ ప్రక్కల గ్రామాల నుండి భారీ సంఖ్యలో భక్తులు పాల్గొన్నారు. జై శ్రీ కృష్ణ నామస్మరణచే ఆలయ ప్రాంగణం మారుమ్రోగింది.