క్యాన్సర్‌ బాధితురాలికి రక్తదానం

కామారెడ్డి, జూన్‌ 23

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలోని ప్రైవేటు వైద్యశాలలో క్యాన్సర్‌ వ్యాధితో బాధపడుతున్న భాగ్యమ్మ (57) కు ఓ పాజిటివ్‌ రక్తం అవసరం కావడంతో వారి బంధువులు కామారెడ్డి రక్తదాతల సమూహ నిర్వాహకులు బాలును సంప్రదించారు.

కాగా లింగాపూర్‌ గ్రామానికి చెందిన డాక్టర్‌ వేద ప్రకాష్‌ సకాలంలో స్పందించి 38 వ సారి ఓ పాజిటివ్‌ రక్తం అందజేసి ప్రాణాలు కాపాడారు.

వీరితో పాటు పట్టణ కేంద్రానికి చెందిన అతీష్‌ జైన్‌ కూడా ఓ పాజిటివ్‌ రక్తాన్ని అందజేశారు. రక్తదానికి ముందు వచ్చిన రక్తదాతలకు కృతజ్ఞతలు తెలిపారు. కార్యక్రమంలో వీ.టి ఠాకూర్‌ బ్లడ్‌ బ్యాంక్‌ టెక్నీషియన్‌ చందన్‌ పాల్గొన్నారు.